Meryem Mesudîfera Seroka Daîreya Nexwaşînên Bi Avê Divedirin û Xwarinêya Wezareta Tenduristî ya Îranê daxuyand, nexweşîna koleraya ku li welatên cîran hatîye dîtin bi rêya çûndin û hatina rêwîyan ketîye nav Îranê jî.

Mesudîfer di berdewama daxuyanîya xwe de destnîşan kir ku heta niha di 37 kesan de ev nexweşîn hatîye tespîtkirin û heta niha jî mirin çênebûye, ji bona ku belavbûna kolerayê jî bê astengkirin lazim e ku rîayet li qaîdeyên paqijîyê bê kirin.

Meha borî li Kurdistana Başûr bi sedan weqayên Kolerayê hatibû dîtin.

Koleraya ku bi avê û xwarinê divedirê mirovan dibe û ji bakterîya “Vîbrîo” çêdibe; dibe sedema ‘emelê û ji nav canê mirovan de kêmbûna avê. Dema ku nexweşîn neyê tedawîkirin, dibe sedema mirinê. (ÎLKHA)