Sazî ji alîyekî ve êtîmxaneyên li welêt yek bi yek ziyaret dike û ji alîyekî ve jî hewl dide birînên gelê mezlûm ê Efxanistanê derman bike.

Avrupa Yetim Eliya ku di wan rojên borî de ji malbateke ku 6 zarokên wan kor bûn alîkarîyeke zêde ya pereyan kir vêcar jî bi wasitya xêrxwazekî ji welatîyeke ku hamaltî dikir da ku îdareya mala xwe bike re wesayîteke tîcarî stand û teslîmî wî kir.

“Em ê her tim bibin hêvî û dengê mezlûman”

Nîzamettîn Ayganê rayedarên Avrupa Yetim Eli derheqê xebatên alîkarîyê yên ku ji teref sazîya wan ve li Efxanistanê tên kirin de daxuyanî da û got: “ Berî niha me dîmenên bavekî ku me ew ziyaret kiribû û ew hewl dida bi hamaltîyê debara mala xwe bike li ser medyaya civakî parve kiribû.  Bav bi yewmîyeya 2 dolar a rojane hewl dida debara mala xwe bike.  Xêrxwazekî me yê ku rewşê dît xwe gihand me û got ku ew ê temamê îxtîyacên wê malbatê bigre li ser xwe û xêrxwaz wesayîteke ticarî ji vî bavî re hedîye kir. Me jî wesayîtê teslîmî malbatê kir. Ji ber ku em bûn şahidê rûkenîya vê malbatê em gelek zêde kêfxweş û hestyar bûn.  Em ê her tim bibin hêvî û dengê mezlûman. Xweda ji wî birayê me yê ku bû wesîleya vê yekê razî be.”(ÎLKHA)