Di kuçeyên Kîevê de pevçûn cardin dest pê kirin
Ji teref Hêzên Çekdar yê Ukraynayê ve daxuyanîyek hat belavkirin û hat destnîşankirin ku di kuçeyên bajara Kîeva paytexta Ukraynayê de pevçûnên kuçeyan dest pê kir.
Google News'te Doğruhaber'e abone olun. 
Di daxuyanîyê de weha hat gotin, “Ji niha û pê ve di kuçeyên bajêr de pevçûn hene.”
Di daxuyanîyê de daxwaz hat kirin ku bila xelq di sitergaha de bimînin, ji balqon û paceyan jî dûr bisekinin.
Li navenda Kîevê dengên çekan tê.
Li Meydana Maîdanê dengê teqînekî mezin hat, li herêma Troîeshchynaya bajêr gelek teqîn pêk hatin.
Li gorî serwîsa taybet ya Ukraynayê, pevçûn di nêzê sentrala ceryanê ya li herêma Troîeshchynaya bajêr de berdewam dikin. Tê texmînkirin ku armanca êrîşê dibe ku bajarê bêceryan bihêlin.
Hat destnîşankirin ku li nêzê balafirgehekî yê ku li Vasîlkîvê ye pevçûnên bi şîddet pêk hatin. Tê texmînkirin ku çetirbazên Rus di encama ku êrîş li Kîevê bê kirin de vê balafirgehê bikarbînin. (ÎLKHA)
Bu haberler de ilginizi çekebilir
-
Hejmara wan kesên ku di qetlîama ku ji teref siyonistên îşxalker ve hat destpêkirin de şehîd dibin her ku diçin zêde dibin.
-
Di encama bomberana ku ji teref Rûsyayê ve li herêma Harkîvê hat kirin de 7 kesan canê xwe ji dest dan û 17 kes jî birîndar bûn.
