Li Taxa Nû ya Qosera Mêrdînê yekîneyên DEDAŞê yên ceyrana qeçax hewil dan di avahîyekê bi navê Karahan de  kontrola ceyrana qeçax  bikin, lê di navbera yekîne û şênîyên avahîyê de pevçûn derket. Di encama pevçûna ku derket de 2 karkerên DEDAŞê bi darbeyên daran birîndar bûn û hatin  rakirin nexweşxanê.

Bûyer derdora seat 10.30an de li Avahîya Karahan a li ser Kolanan 2yemîn pêk hat. Li gor agahîyên ku hatine wergirtin xebatkarên DEDAŞê yên bi navê Uxur Kanayran û Murat Dal bo kontrola ceyrana qeçax hewil dan têkevin avahîyê. Lê belê şênîyên avahîyê destûr nedan ku xebatkarên DEDAŞê têkevin avahîyê û ji ber vê yekê di navbera terefan de levdan derket.

Di levdana ku derket de 2 xebatkarên DEDAŞê ji ber darbeyên daran birîndar bûn û hatin rakirin nexweşxanê. Piştî li bi bûyerê hat hisîn re gelek polês hatin sewqkirin cihê bûyerê.

Piştî bûyerê gelek xebatkarên DEDAŞê ketin avahîyê û temamê seatên ceyranan jê kirin û yên nû lêxistin.

Polês bo kesên beşdarî bûyerê bûne bên binçavkirin xebat da destpêkirin.(ÎLKHA)