"Em êvaran ji tirsa qelişîna erdê nikarin razin"
Li gundê Perxa Solaxana Çewligê gundî ji ber qelişîna ku li gundên wan pêk tên êvaran ji tirsan newêrin razin.
Li Perxa Solaxanê sala borî ji ber xebatên rêya hesinî di erd û zevîyan de terikandin pêk hatin, digel baran û berfa ku barîya ev terk zêdetir bûn ku ev yek jî dibe sedem ku gundî bitirsin û dilnerihet bibin.
Gundîyên ku li gund dijîn derbarê mijarê de hest û ramanên xwe ji ÎLKHAyê re vegotin. Gundîyên ku axaivîn gazin û gilîyên xwe anîn zimên derbarê mijarê de ji rayedaran alîkarî teleb kirin.
Kenan Tugen ji şênîyên gund derbarê mijarê de diyar kir terk û qelşên ku pêk hatine ji ber rêya hesinê ya ku li nin gund tê çêkirin pêk hatiye û dû re wiha li axavtina xwe zêde kir: " Ji ber vê meselê AFAD hat vê derê û lêkolînan kir, lê belê heta niha tu kesî derbarê mijarê de tu agahî nedan me. Nêzî hezar donim erdên me ji ber xebata rêya hesinê tev xirabû û em nema dikarin jê sûdê werbigrin. Em dixwazin rayedar yekîneyan bişînin vê derê da ku li vê derê lêkolînan bikin û gavine şenber bavêjin. Em li vê derê di nav endîşê de disekinin. Bila çareyekê bo me bibînin."
Her wiha çend kesên bi navê Abdullah Demîr, Mehmet Tahir Çetîner û Atîk Tugenê ku şênîyên gund in derbarê qelş û terkên ku li gundê wan pêk hatine de destnîşan kirin her ku diçe terk û qelş ber bi malên wan ve tên ku ew ji ber vê yekê êvaran nikarin razin û dilnerihet in.
Yrd. Doç. Dr. Vedat Avciyê ku li Beşa Cografyayê ya Fakulteya Fen Edebîyat a Zanîngeha Bîngolê dixebite derbarê mijarê de diyar kir ji ber ku li gund ji ber ku dengeya quntarê xera bûye erdhezan pêk hatiye. (ÎLKHA)