Li Kurdistana Rojhilat 200 gundî ji ber ava vexwarinê bi jehrê ketin

Qeymeqamê Selas Bawecanî Yedullah Şukrî  derbarê mijarê de daxuyanîyek belav kir.

Şukrî di daxuyanîya ku belav kir de destnîşan kir; ji Gundê Şêx Sele 17 kesên ku bi jehrê ketin serî  Nexweşxaneya Sahrayê dan û dû re wiha li daxuyanîya xwe zêde kir: “Ji ber ku hejmara kesên ku bi jehrê ketin zêde bû 11 ambûlans û ekîbên tenduristîyê hatin şandin gund.”

Saman Dîrokê ku şênîyê gund e derbarê mijarê de destnîşan kir; bes çavkanîyeke me ya avê heye. Gundî ji vê kahnîyê avê vedixwarin ku doh ji ber vê avê bijehrê ketin. Dîrok di berdewama daxuyanîya xwe de wisa got: “Ji ber avê 200 kes bi jehrê ketin ku rewşa 20 kesî giran e.”

Li gundê ku lê 200 kes bi jehrê ketin zêdetirî 2 hezar û 500 kes dijîn.(ÎLKHA)