Li Trabzonê 1461 hafiz û hafîze îcazetê standin
Prof. Dr. Elî Erbaş ku Li Trabzonê di “Merasîma Îcazeta 1461 Hafizan” de axivî, got ku “Cehaleta li ser rûyê erdê li bêvîya ronîbûna bi Quranê ye”
![Li Trabzonê 1461 hafiz û hafîze îcazetê standin](https://dogruhaber.com.tr/thumbor/a_-HdcFxP7n28SLuKySoUdyZCzQ=/660x400/dogruhaber.com.tr/images/23/40/li-trabzone-1461-hafiz-u-hafize-icazete-standin-e24f3662.jpg)
![](https://dogruhaber.com.tr/images/21/36/resim-cad374c1.png)
![](https://dogruhaber.com.tr/images/21/36/resim-939b4d02.png)
Serokê Karên Dîyanetê Prof. Dr. Elî Erbaş, beşdarî Merasîma Îcazeta 1461 Hafizan” ku ji teref Miftîtîya Bajar a Trabzonê ve hat lidarxistin bû. Di merasîmê de 892 jê kur, 569 jê qîz tevahî 1461 xwendekarên hafiz û hafîze îcazetê standin.
Erbaşê ku di bernameya li Eywana Spor a Hayrî Gûr hat tertîpkirin de axivî, diyar kir yên ku di nav Misilmanan de herî bi şeref in Hafiz in û dûre weha got, “Xwezî li hafizan, di dinyayê de ji însanekî re ji vêya pê ve nîmetek mezin nabe nisîb.”
Erbaş, destnîşan kir lazim e ku hemû kitêbên di dinyayê de ji bona fêhmkirina Quranê bê xwendin û dûre axavtina xwe weha berdewam kir, “Ger ku di destê we yekê de kitêbek an jî meqaleyekî derheqê astronomîyê de hebe bila bixwîne û ew ê bibîne ku di Sûreya Yasînê de jî derheqê tav û hîvê de ayet hene. Ger ku hûn kitêb û maqaleyên derheqê astronomî, jeolojî, sosyolojî, zanyarîya erdê û zanyarîya asîman de bi nîyeta ji bona ku ez Quranê baştir fêhm bikin bixweyînin wek ku hûn îbadeteke nafîleyê kiribin in.”
“Em ê bi Quranê ji derda însanîyetê re bibin derman”
Erbaş anît ziman ku armanc xwendina Quranê fêhmkirin û jîyankirine weha got, “Ji ber vê yekê divê em zêdetir mûhîmtîyê ji bernameya ‘Fêhmkirina Quranê’ yê ku me di qursên xwe yên Quranê de danîye re teşwîq bikin û emegê bidin. Ger ku em fêhm nekin ew ê ji Quranê îstîfade nekin. Mehmet Akîf Ersoy dibêje, ‘Encax ji derdê însanîyetê re derman Quran e. Însan bê Quran ji cenewarê jî talûketir e.’ Em ê bi Quranê ji derdê însanîyetê re bibin derman. Cehaleta li ser rûyê erdê li bêvîya ronîbûna bi Quranê ye.” (ÎLKHA)