Di daxuyaniya Midûriyeta Giştî ya Xizmetên Tenduristiyê ya Bangladeşê (DHGS) da hat diyarkirin ku di meha tebaxê da 342 kes ji ber taya dangê mirin, di sala 2023an da bi giştî hejmara miriyan derket 618an.

Di daxuyaniyê de hat ragihandin ku hejmara pêketiyan li welat 127 hezar û 700 e.

Di daxuyaniyê da hat destnîşankirin ku di 24 saetan da 17 kes li Dakkayê mirin û hejmara miriyan jî li paytextê ku herî zêde nexweşiya taya dangê lê heye derket 456an.

Rayedaran, mirovên bi vîrusê hişyar dikin ku "di wextê xwe de" serî li nexweşxaneyê bidin. (ÎLKHA)