Cûntaya Nîjerê: Ger ECOWAS mudaxele bike, em ê wê wekî îşxalê bihesibînin
Li Nîjerê, rêveberiya cûntaya derbeyê got ku her destwerdana li welat ji aliyê Civaka Aborî ya Rojavayê Afrîkayê (ECOWAS) ve wê weke îşxalê bê dîtin.
![Cûntaya Nîjerê: Ger ECOWAS mudaxele bike, em ê wê wekî îşxalê bihesibînin](https://dogruhaber.com.tr/thumbor/gp0IBlR7GAYd9ApBtkAfEZa-6rs=/660x400/dogruhaber.com.tr/images/23/33/cuntaya-nijere-ger-ecowas-mudaxele-bike-em-e-we-weki-isxale-bihesibinin-3d465f15.jpg)
![](https://dogruhaber.com.tr/images/21/36/resim-cad374c1.png)
![](https://dogruhaber.com.tr/images/21/36/resim-939b4d02.png)
General Abdurahman Tchiani Serokê Konseya Rizgariya Welat a Neteweyî ya ku ji aliyê leşkerên derbeker ên li Nîjerê ve hatiye avakirin got, "Em ê her destwerdana welatên ECOWASê weke îşxalê binirxînin."
Tchiani got, "Em ê her tiştê ku hewce bike bikin û bersiva her êrîşa ku li dijî me were kirin jî em ê bibin. Piştgiriya me ji gel û gelek welatên cîran re heye."
Tchiani anî ziman ku mueyîdeyên ECOWASê yên li ser Nîjerê neqanûnî, nemirovî ne û armanca wan parçekirina welat û gel e, Tchiani weha got, "Destpêkirina ECOWAS me ji fonên ku em hewce dikin ku saziyên me bixebitin bêpar dihêle. Em ê destûrê nedin."
Tchiani destnîşan kir ku dewra derbasbûna hilbijartinan ya li Nîjerê "dê ji sê salan derbas nebe" û weha got, "Em ne li ser desteserkirina desthilatdariyê ne û em amade ne ku her bijardeya ku gelê Nîjerê hildibijêre qebûl bikin. Em ji her diyalogê re amade ne. Nêrîna gel û serweriya neteweyî li ber çavan bê girtin."
Tchiani di dawîya axavtina xwe de weha got, "Ez hemû partî û rêxistinên siyasî, ji bo diyarkirina şeklê nîzama destûrî ya welat, banga diyalogeke neteweyî ya berfireh li hemû beşên gel dikim." (ÎLKHA)