Serokê Giştî yê HUDA PARê Zekeriya Yapicioglu li Edeneyê der barê êrîşa ku doh li Serokatiya Bajêra Edeneyê li Serokê Bajarê Salih Demîr û Sekrterê Bajarê Sacît Pişgîn hat kirin de ji çapemeniyê re daxuyanî da.

Yapicioglu di destpêka axaftina xwe de rehma Xwedê ji Sekreterê Bajarê Sacît Pişgîn ê ku di êrîşa hovane de şehîd bûbû û ji bo Serokê Bajarê Salih Demîr ê birîndar şîfa xêrê xwest, Yapicioglu destnîşan kir ku ev êrîşên li dijî partiyên wî ne nû ne û her tim hedefgirtina partiyên wan di heyama hilbijartinê de bûye sedema van êrîşan.

Yapicioglu weha got, “Ev tablo ne tiştekî ku em pê nizanin ne. Di vê dema hilbijartinê de û di hilbijartinên berê de jî rastî êrîşan hatin. Me di wextê xwe de hişyarî da ku dibe ku partiya me encamên neyînî ji hedefgirtina hevalên me derxe. Me got bila zimanê siyasetê wiha nebe.”

Yapicioglu, da zanîn ku bila li pişt vê êrîşê kî hebe divê di her warî de bê eşkerekirin û axavtina xwe weha zêde kir, "Ev bûyer pir teze ye, sedem çi ye, kê ev kir, bi çi armancê, çi hêz li pişt wê ne? Em nizanin. Ji ber vê yekê ez naxwazim der barê bûyerê de tiştekî bibêjim."

"Eger di serdema hilbijartinê de li hemberî êrîşên li hemberî me bertekeke tund bihata kirin, me bûyera îro nedîtiba."

Yapicioglu bal kişand di rê rêya ku dimeşin de li hemberî wan gelek asengî hatine derxistin weha zêde kir, “Lê em dizanin ku hinek kes hene ku ji çandina tovên qenciyê û xurtkirina biratiyê nerehet in. Di dirêjahiya dîrokê de her tim kesên ku ji wan kesên ku hewl didin civakê sererast bikin û exlaqê civakê bilind bikin nerehet bûne, ew her tim hebûne, ji niha û pê de jî wê hebin. Bi rêbazên curbecur hewl dan me asteng bikin, hewl didin me asteng bikin, ji niha û pê ve jî ew ê hewl bidin me bisekinînin. Hewl dan astengiyên fizîkî derxin pêşiya me, hewl dan astengiyên qanûnî derxin pêşiya me, dem bi dem hewl dan me bixin û me ji daîreya meşrû derxin. Yek ji wan qezenc nekir, encam dernexist. Vê carê jî hewl dan hevalên me bi awayekî fizîkî tine bikin. Berê jî bûye… Di sala 2015an de bûye, di sala 2014’an de jî bûye. Beriya hilbijartinên 14ê Gulanê li vê herêmê li dijî buroya hilbijartinê ya namzetê me yê Mêrsînê êrîşeke bombeyî pêk hat. Li hemberî birayên me yên li benda hilbijartinê bûn êrîşên çekdarî, bi kêran û bi daran pêk hatin. Ger wê rojê bertekek têra xwe xurt bihata nîşandan, belkî îro me ev bûyera bi êştir nedîtiba. Ez hêvî dikim ku ew careke din dubare nebe.”

“Ew ê nikaribin me ji daîreya meşrû derxin”

Yapicioglu, anî ziman ku ti astengî û êrîşên li pêşiya wan nikarin wan ji rêya ku ew rast dibînin dûr bixin û axavtina xwe weha berdewam kir:

“Li hemberî vê bûyerê ji cîhana siyasetê bertekên tund hatin û ev jî berdewam dike. Kî dibe bila bibe, êrîşeke bi vî rengî nayê qebûlkirin. Ji bo ku ev êrîş berdewam nebin divê her kes bi erka xwe rabe. Belê, belkî zorê li me dikin ku me bi awayekî fizîkî tasfiye bikin û hevalên me di bin axê de binax bikin, lê wek ku rehmetî Aliye Îzzetbegovîç gotiye, ‘belkî ew nizanin ku em tov in’. Bi hêviya ku em bi hêztir xebata xwe bidomînin. Em ê tovên qenciyê biçînin û ji bo pêşdebirina civakê her hewl bidin.

Ez dixwazim vê peyamê bidim kesên ku hewl didin me bidin sekinandin: Hûn bêwate hewl didin. Hêvîdar im ku hûn nekaribin me ji daîreya meşrû derxin, ne jî karibin me bitirsînin, ne jî hûn ê karibin me ji xizmetên me dûr bixin. Ev qet ne mumkin e. Îcar werin, dev ji van xerabiyên ku hûn dikin, van tiştên nefret ên ku hûn dikin, kirinên xwe yên nefret yên xerab berdin. Em hemû li vî welatî dijîn, em bi hev re ji bo ku civaka me bibe civakek aramtir, pêşkeftîtir, medenîtir, bijîtir, ji bo qenciya gelê xwe, ji bo bilindkirina mirovatiya xwe, ji bo parastina ciwanên xwe ji xirabiyê bixebitin. Em dostên hev in, çi ji bo berjewendiya miletê me be, emê berdewam bin û em bang li her kesî dikin ku piştgiriyê bidin xebatên başkirin, qencî û biratiyê. Werin em bi hev re vê têkoşînê bilind bikin. Werin em birayên xwe xurt bikin, xerabiyê ji nav xwe derxînin, em bi hev re xeraban ceza bikin û ji bo rawestandina wan bibin yek.”

“Em ê mezinkirina tovên başîtîyê bidomînin”

Êşa me mezin e, birayê me di dema îbadetê de gulebaran kir û bi Rebbê xwe re hevdîtin kir. Ev ji bo wî rizgarî ye û em di heman baweriyê de ne ku ew kesên ku ji ber ku digotin "Rebbê min Allah e" dema ku ji bo qenciyê şer dikirin rastî êrîşan hatin, tu tişt winda nekirin, belkî li dinyayê canê xwe ji dest dane, lê ez hêvî dikim ku li cem Rebbê xwe bi ser ketin. Em bi vê bawer in, ez hêvî dikim hêza me bi bereketa vê şehadeta birayê me zêdetir bibe, biryardariya me ya têkoşînê tûjtir bûye. Hêvîdarim ku di demeke kurt de, bi hewldanek mezintir, tiştên baştir berdewam bikin û em ê encamê bigirin. Ew ê nikaribin me ji rêya me bigrin. Xwezî wê bi ser bikeve, ez hêvî dikim ku bedewî bi ser bikeve û em ê van tovan bidomînin. Sersaxiyê ji me hemûyan re, ji Edeneyê re sersaxiyê, ji her kesê ku hewl dide tovê qenciyê biçîne re sersaxiyê.” (ÎLKHA)