Bûyer, doh di seat 17.40an de di Serokatîya Bajarê Edene yê HUDA PARê de qewimîbû.

Du kesên ku ketibûn nav avahîyê, bi sator û kêran li dijî Serokê Bajêr Salîh Demîr û Sekreterê Bajêr Sacît Pîşgîn ên ku li ser nimêjê bûn re êrîş kirin.

Sacît Pîşgînê ku di bûyerê de giran birîndar bûbû, di nexweşxaneya ku hatibû rakirin de şehîd bû. Hat hînbûn ku Demîr jî li nexweşxaneyê ye û rewşa wî baş e.

Derheqê êrîşê de heta niha mirovekî yê bi navê A.S. (1951-Edene) ji teref polêsan ve hat binçavkirin.

Serokê Giştî yê HUDA PARê Zekerîya Yapicioglu, li ser hîsabê xwe yê Twîtterê weha got:

“Înna Lîllahî we Înna Îleyhî Racîûn.

Em hemû aîdê Xwedê ne û bê guman vegera me jî ji Wî re ye.

Birayê me Sacîd Pîşgînê Sekreterê Bajêr yê Edeneyê dema ku li ser nimêjê ye dûçarê êrîşê dibe şehîd bû, tedawîya birayê me Salîh Demîrê Serokê Bajêr berdewam dike. Ji şehîdê me re bira rehmet be. Ji qatil an jî qatilan û hêzên tarî yên ku li pey ev êrîşa necis in re dibêjin; ji wan kesên ku partîya me, birayên me hedef dane nîşandan re lenet be. Ji serokê me Salîh re şîfa lezgîn daxwaz dikim.

Em bûyerê dişopînin, em hêvî dikin ku bûyer di her warî de tam ronî bibe." (ÎLKHA)