Serokê Hikûmeta Herêma Kurdistanê Nêçîrvan Barzanî derbarê teqîna ku li Dihokê pêk hat de ku di encamê de 4 kes mirin û 33 kes jî birîndar bûn, peyamek belav kir.

Temama peyama Hikûmeta Herêma Kurdistanê:

"Ez sersaxiyê ji malbatên qurbaniyên teqîna şeva berî ya Dihokê re dixwazim, ku cihê dilgiraniya mezin e. Dil û hestên min bi wan re ye û êşa wan parve dikim, ji Xwedê Teala daxwaz dikim ku bila ji malbat û kesûkarên wan re sebr û aramîyê bide û wan bi rehm û dilovanî şad bike. Em amade ne ku ji boan dermankirina wan her alîkariyek pêwîst bikin.

Dubarebûna bûyera teqîna gazê cihê metirsiyek e cidî ye û divê aliyên pêwendîdar bi awayekî cidî li ser vê pirsê di zûtirîn dem de bisekinin û çavdêriya baştir li ser sîstema gazê û çawaniya bikaranîna wê bikin û tedbîrên ewlehiyê yên baştir ji bo nehiştina kêmasiyan hebin.

Xwedayê Mezin alîkariya malbatên qurbaniyan û xelqê parêzgeha Dihokê bike û dilê me bi wan re ye.” (ÎLKHA)