Serokê Giştî yê HUDA PARê Zekerîya Yapicogluyê ku li Entalyayê bi endamên çapemenîyê re hat ba hev derheqê rojevê de nirxandinan kir.

“Pêwîst e Tirkîye ji makeqanûna darbeker a leşkerî xelas bibe”

Yapicioglu di nirxandina ku kir de balan kişand li ser makeqanûna mewcûd a li welêt û derheqê mijarê de wisa axivî: “Ev bû 40 sal ku Tirkîye bi makeqanûna darbeker a leşkerî ya 12ê Îlonê tê îdarekirin. Bes ne ev makeqanûn gelek qanûnên ku ji wê demê mane hêj di meriyetê de ne. Dû re ew kesên ku vê darbeyê kirin hatin darizandin û hatin mahkûmkirin. Hinek ji van darbekerên ku hatin mahkûmkirin ji ber ku miribûn derheqê wan de qerarek nehat dayîn û hinek darbeker ên ku derheqê wan de qerara mahkûmîyetê hat dayîn ji ber nexweşîyên xwe neketin girtîgehê; lê belê mahkûmkirina vê darbeyê muhîm e. Lê belê welêt hêj bi makeqanûna wê heyamê tê îdarkirin. Ev eybeke mezin e. Ev eyb a meclisê û ya wan partîyên di meclisê de ne.Bi vê wesîleyê ez cardin wê banga xwe ya nûkirina makeqanûnê nû dikim. Pêwîst e Tirkîye ji makeqanûna darbeker a leşkerî xelas bibe.”

“Divê baregahên leşkerî yên Amerîkayê demildest bên girtin”

Yapicioglu di berdewama daxuyanîya xwe de balan kişand li ser baregahên leşkerîy yên Amerîkayê yên li Yunanistanê û derbarê mijarê de wiha got: “Tirkîye divê nerazîbûn û acizîya xwe ya ji ber hebûna van baregahan divê bîne zimên. Em dixwazin di vî warî de balan bikşînîn li ser tiştekî din. Ev baregah li derveyî sînor in, lê belê divê neyê jibîrkirin ku hinek baregahên Amerîka di serî de li Încîrlîk û li çend cihên din jî hene. Em banga xwe ya ‘Divê ev baregah demildest bên girtin’ cardin tînin zimên.”(ÎLKHA)