Midûrê Şaxa Perwedehî û Xizmetên Çandinîyê yê Şaredarîya Bajara Mezin ê Entabê  Yusuf Yilmaz derbarê mijarê de ji ÎLKHAyê re axivî.

Yilmaz di daxuyanîya ku da de destnîşan kir, berhevkirina fistiqan berdewam dike û dû re wiha li axavtina xwe zêde kir: “Fistiqa entabê ya ku wek zêra kesk tê binavkirin îsal hindik e. Berhevkirina fistiqên gewr di meha tebaxê de dest pê dike û 15 rojan berdewam dike. Ev cûreya fistiqê beqleweyan de tê bikaranîn.Niha em wan fistiqên ku navê fistiqên benga sor li wan tê kirin dikin.Berhevkirina vê cûreyê di dawîya tebaxê de dest pê dike heta 15ê Cotmehê berdewam dike. Weke ku hûn jî dizanin fistiqên entabê salekê baş hene û salekê an qet tune ne an jî kêm hene.Heqê fistiqan îsal kêm e. Wek mînak dendikê zebeşan kîlo ji 25 TLyan û ya fistiqan jî ji 30 TLyan tê firotin. Ev yek jî nîşanî me dide ku heqê fistiqan gelekî kêm e.”

“Cotkar heqê keda xwe nikarin bistînin”

Cotkarê bi navê Metîn Yilmaz jî gazinan ji heqê fistiqan kir û derbarê mijarê de wisa got: “Li gorî heqê wan tiştên din ên xwarinê heqê fistiqan gelekî kêm e. Lewra keda ku ji fistiqan re tê dayîn gelek zêde ye. Wekî din heqê mazot û gubreyê jî pir zêde ye. Lê belê em nikarin fistiqan li gorî dilê xwe bifiroşin.Bi kurtasî cotkar heqê keda xwe nikarin bistînin.Kesên ku ji vî karî kar dikin kesên navbeykar in.”(ÎLKHA)