Îshaq Cîhangirîyê Alîkarê Yekemîn ê Serokomarê Îranê, derheqê gefxwarinên Serokê Amerîka Dondl Trump de nirxandinan kir. Cîhnagirî di nirxandina xwe ya ku kir de destnîşan kir “Trump bi tehdîdên xwe yên dawî  bêedebîya xwe nîşan daye û wisa te famkirin ku ew bi dîroka Îranê nizane.”

Cîhangirî di berdewama nirxandina xwe de destnîşan kir, divê rayedarên Amerîkayî dîroka Îranê ji ber çavan derbas bikin û hîn bibin da ku zanibin ka Îran di dîroka dinyayê de li kû derê ye û dû re wiha li axavtina xwe zêde kir: “Feydeya şerê ku dê bi Îranê re bê kirin dê ji tu kesî re tune be.”(ÎLKHA)