Hat ragihandin li Lahora paytexta parêzgeha Pencapa Pakistanê  li ber tirbeyekê êrîşeke bombeyî pêk hat, di encama êrîşa ku pêk hat de 10 kes jiyana xwe ji dest dan û 24 kes jî birîndar bûn.

Hat diyarkirin teqîn di wesayîteke polêsan a ku li ber tirbê hatibû sekinandin de pêk hatiye.

Muhammed Ashfaqê polêsekî paye bilind e derbarê mijarê de destnîşan kir di êrîşa ku hatiye kirin de wezîfedarên ewlehîyê yên li tirbê hatine hedefgirtin.

Serokwezîrê parêzgeha Pencabê Usman Buzdar derbarê mijarê de diyar kir di teqînê de 3 polês, 2 wezîfedarên ewlehîyê, zarok jî di nav de tevde 10 kes jiyana xwe ji dest dan.

Tê lêkolînkirin ka teqemenî di wesayîta polêsan de çawa hatiye bicîkirin.(ÎLKHA)