Hat ragihandin li Musenneya parêzgeha Iraqê goreke bi kom a ku di dewra Seddam de hatibûn qetilkirin û tê de hatibûn binaxkirin hat dîtin.

Li gorî agahîyên ku hatine wergirtin li Bîyabanîya girêdayê bajêra Semaweya parêzgeha Musennaya Iraqê goreke bi kom hat dîtin. Tê diyarkirin gora bi kom a Kurdên ku di dema Seddam de hatine qetilkrin.

Walî Ehmed Mencî Cewdet derbarê mijarê de daxuyanîyek da. Cewdet di daxuyanîya ku da destnîşan kir “ Ev gora bi kom a wan birayên me yên Kurd ên ku di dema Seddam Huseyîn dîktator de hatine qetilkirin e.”

Weke ku tê zanîn di navbera Sibat-Îlona sala 1988an de li Kurdistana Başûr li hember Kurdan jenosîd û qirkirineke bi navê “Enfal”ê ji teref Saddam ve hatibû destpêkirin û jenosîda ku hat kirin de 182 hezar Kurd hatin qetilkirin. Exlbeyê van Kurdan li çolên Iraqê bi şikleke zindî hatin binaxkirin.(ÎLKHA)