Jacinda Arderna Serokwezîra New Zelandê di axavtina xwe ya ku di bernameyeke televîzyonê kir de destnîşan kir piştî wê êrîşa terora xaçperest ew ê roja înê li tevahîya welêt di weşana zindî de azana şerîf bidin xwendin.

Aderna di berdewama axavtina xwe de diyar kir “Em dixwazin ku Misliman xwe di ewlehîyê de hîs bikin. Îna borî du êrîş li camîyan hat kirin û qetlîamek li wan mizgeftan hat kirin. Em ji wî wextî heta niha hewl didin da ku Misliman di ewlehîyê de bin. Di îna pêşîya me di wextê nimêjê de bi wasitaya çapemenîya me azana şerîf dê bi şikleke zindî bê xwendin. Her wisa em ê ji bo 50 kesên ku di êrîşê de şehîd bûn û ji bo wan kesên ku birîndar bûn bernameyeke bîranînê tertîp bikin.”

Aderna di dawîya axavtina xwe de diyar kir ew ji destpêka êrîşê heta niha ji bo êrîşkar wesfê terorîst bi kar anîye; lewra êrîşa ku hatiye kirin êrîşeke terorê ye.(ÎLKHA)