Li Harana Rihayê malbatên ku ji ber mirina kesekî di navbera wan de hisûmet dest pê kir bi navbeynkarîya xêrxwazan hatin lihevanîn.

Berî vê çendakî di navbera malbatên Atay û Ekberên ku mesûbê eşîrên Ubadî û Bînîyusuf in de ji ber mirina kesekî hisûmet û xwîndarî dest pê kir. Kesên xêrxwaz ên ku nedixwastin di navbera malbatan de mirine din çêbibin ketin navberê û hewil dan malbatên xwîndarî li hev bînin û bo vê yekê jî bi endamên her du eşîran re hevdîtin kirin û di encamê de malbat bi merasîmeke ku hat tertîpkirin li hev hatin.

Bo lihevhatinê xwarina aştîyê hat dayîn. Serokê Şaredarîya Eyyûbîyê ye  Mehmet Ekîncî  di merasîma xwarina aştîyê de  axavtinek kir û diyar kir ji bo cardin bûyerên wisa pêk neyên divê pêkve bê hereketkirin.

Ekîncî di berdewama  axavtina xwe de qala bûyera kuştinê ya ku pêk hatiye kir û dû re wiha li axavtina xwe zêde kir: "  Bûyerên ku pêk hatine digel ku pir nexweş bin jî divê me werin bal hev û kesên ku tevlî vê bûyerê bûne û di nava wan de nexweşî rû dane li hev bînin. Vê yekê him dînê me û him jî orfa me ji me re emir dike. Ji xwe tu kes van tiştên wisa naxweze û teswîb nake. Me bi malbatan re hevdîtin kir û me ji wan re got ku divê dawî li vê hisûmetê bê anîn. Dil dixwast ku tiştên wisa nebûba. Em helwesta malbatan a di vî warî de teqdîr dikin. Di nav me de mezin û rîspîyên me hene.

Piştî axavtina ku hat kirin re dia hatin kirin û malbat hevdû hemêz kirin û li hev hatin.(ÎLKHA)