Hat ragihandin ji ber qeyrana ku di navbera Tirkiye û Almanyayê de rû daye Berlîn hewil dide ji dêla Baregaha Încîrlîkê ve baregeheke din peyde bike. Wezîrê Parastinê yê Almanyayê Ursula von der Leyen  di derbarê mijarê de diyar kir ew ê di derheqê mijarê de biçe Urdunê û ew ê ziyaretinan bike.

Her weke ku dê bê bîran ji ber ku Tirkiye destûr nedabû ku parlamenterên Almanyayê têkevin Baregeha Încîrlîkê bûbû sedema qeyranê û ji ber vê yekê jî Berlîn ji wê rojê ve hewil dide ji dêla Încîrlîkê ve baregeheke din peyde bike.

Wezîr Ursul di daxuyaniya xwe ya ku roja çarşemê li Berlînê da de wiha got: “ Ez ê li Urdunê ji rexekî ve lêkolînan bikim û ji rexê din ve jî ez ê bi Qral Abdullah re hevdîtinê bikim. Em ê di derheqê vê yekê de gotubêjê bikin.”

Wezîr Leyen her wiha di derbarê mijarê de diyar kir di nav vê lêgerîna baregahê de Amman-Urdun, Akrotîrî-Qibris, Dhelalîa- Qibris, Comp Doha-Kuweyt jî heye.(ÎLKHA)