"Belavbûna Îslamê Ewrûpayê aciz dike"
Nûnerên STKyan û welatî çalakîyên şidetê yên ku li Ewrûpayê di bin navê Îslamofobiyê deli dijî Îslam û Mislimanan tên kirin nirxandin û destnîşan kirinbelavbûna Îslamê Ewrûpayê aciz dike.
Roj tuneye ku li welatên Xerbê li dijî Îslam û Mislimanan êrîş neyê kirin û li hemberî wan çalakîyên şidetê neyê kirin. Herî dawî li Kanadayê êrîşeke çekdarî li camiyekê hat kirin û 6 Misliman hatin şehîdkirin. Nûnerên STKyan û welatî çalakîyên şidetê yên ku li Ewrûpayê di bin navê Îslamofobiyê de li dijî Îslam û Mislimanan tên kirin nirxandin û destnîşan kirin belavbûna Îslamê Ewrûpayê aciz dike.
Serokê Şaxa Dîlokê yê Komeleya Alimên Misliman a Navneteweyî Omer Mert di derbarê mijarê de destnîşan kir dewletên Ewrûpayê di bin navê Îslamofobiyê de êrîşî Îslam û Mislimanan tê kirin.
Mert di berdewama axavtina xwe de diyar kir dijmintiya Îslamê li Xerbê ne nû ye û dû re wiha li axavtina xwe zêde kir: “ Amborgoya ku serokê DYEyê li ser welatên Îslamê daniye, dijmintiya camiyan, êrîşên ku li Pêxemberên me tên kirin, qrîza karîkaturê, bi camiyan ve daliqandina serê berazan tenê bi gotinekê tên gotin ku ew jî Îslamofobî ye. Ev jî tê maneya têgihiştina nefreta xerbê û dijmintiya wî ya li dijî Îslamê.”
Serokê Şaxa Dîlokê yê Dîyanet-Senê Muslum Goral jî di derbarê mijarê de diyar kir digel xwîna ku li her derê diherike yê Mislimanan be jî xerb ji bo karibe xwe li ser piyan bigre her tim xwe heqdar nîşan dide. Goral dû re wiha li axavtina xwe zêde kir: “ Ev yek têgihiştina ku bi zanebûn wek Îslamofobî hatiye sazkirin e. Li Kanadayê êrîş li mizgeftê hat kirin û 6 Misliman şehîd bûn. Ez vê yekê şermezar dikim. Digel xwîna ku li her derê diherike yê Mislimanan be jî xerb ji bo karibe xwe li ser piyan bigre her tim xwe heqdar nîşan dide. Ên ku terorîst tên îlankirin Misliman in. Ev operasyoneke têgihiştinê ye. Qetilkirina Mislimanan a ku li Kanadayê hat kirin bi zanebûn hat kirin. Bi vê yekê tê xwestin Mislimanan tahrîk bikin.”
Welatiyên bi navê Îsmaîl Çetîn, Sema Gungor û Ahmet Aktaş jî di derbarê mijarê de nêrînên xwe anîn zimên. Di derbarê mijarê de Îsmaîl Çetîn ‘ Xerb û Emrîka dijminê Îslamê ne, berî ku Trump were her tim diyar kir ew dijminê Îslamê ye’, Sema Gungor ‘ ev tişt ne rast in’ Ahmet Aktaş ‘dijmintiya Îslamê ya alema xerbê ew ê bidome.’ diyar kirin.(ÎLKHA)