Di tayîna mamosteyan de şerta KPSSyê hat betalkirin.

Li gor rêziknameya ku Serokomar Recep Tayyîp Erdogan îmze kir û di Rojnameya Fermî da hat weşandin, ji 1ê Îlona 2025an pê va ji bo tayînkirina mamosteyan şertê KPSSyê nayê kirin.

Heya wê dîrokê rêziknameya kevn wê derbasdar be.

Yusuf Tekînê Wezîrê Perwerdehiyê jî çend roj berê jî gotibû, “Di sala 2025an de ji bo namzetên me yên mamosteyan KPSSê nîne. Bi protokola ku me bi OSYMê re çêkir, me îmtîhanek bi navê Îmtîhana Têketina Akademiyê (AGS) organîze kir. Ew ê di 13ê Tîrmeha 2025an de yekem car were lidarxistin. Li gorî encamên AGS'ê em ê tayîn kirin û pêvajoya ketina Akademiya Perwerdehiya Neteweyî bidin destpêkirin. Em ê piştî perwerdeya li Akademiyê hevalên xwe yên mamoste îstîhdam bikin.” (ÎLKHA)