Li Arakanê artêş qetlîamekî nû kir
Li Myanmara ku di bin îdareya leşkerî de ye, artêş ji Girava Ramreeya ku girêdayê wîlayeta Arakanê ye re êrîşa asîmanî li dar xist, ji Misilmanên Arakanî (Rohîngya) 41 qetil kirin, 50 kesan jî birîndar kirin.
Google News'te Doğruhaber'e abone olun. 
Artêş, ji gundê Kyauk Ni Maw ku girêdayê Girava Ramreeyê ye re êrîşa asîmanî li dar xist.
Di êrîşa ku du balafirên herbê yên artêşê pêk anîtin de 41 kesan canê xwe ji dest dan, 50 kes jî birîndar bûn.
Hat îfadekirin ku di êrîşa asîmanî de gelek xanî xesarê dîtin, gelê herêmê jî ji bona ku agirê derketîye bivemirînin seferber bûn.
Artêşa Arakanê ku komekî bi artêşê re pevçûnê dike ye, ev bû nêzê salekî ye gundê Kyauk Ni Mawyê di bin kontrola xwe de digre.
Berdevkê Artêşa Arakanê Khaing Thukha, îfade kir ku artêş, sîvîlan hedef digre û sûca herbê bikartîne.
Hat îfadekirin ku gund ji Adara 2024an de ji destê komên îsyankaran ketibû bin kontrola Artêşa Arakanê.
Artêşa Myanmarê, piştî îddîayên ku di hilbijartina 2020an de hîle hatîye kirin û li welat gengeşîya sîyasî pêk hatîye, di 1ê Sibata 2021an de dest dabû ser bireveberîyê. (ÎLKHA)
Bu haberler de ilginizi çekebilir
-
Rêxistina Koçê ya Navneteweyî (IOM) ragihand ku hejmara penaberên ji ber şer û pevçûnên li Sûdanê gihiştiye 15 mîlyonî.
-
Du sûcdarên ku bi sûca êrîşa 5 welatîyên Herêma Kurdistanê berî du salan hatibûn desteserkirin, her yek bi 5 cezayên giran û cezayên din ên girtîgehê hatin cezakirin. Di biryara bi hincet de bal hat kişandin ser hûrgiliyên êrîşê û bersûcan bi hevkariyê sûcê "kuştina bi qest" kirine.
