Li gorî Navenda Tora Erdheja Çînê, li alîyê çîyayên herêma Tîbeta Xweser di seat 09.05an de di mezinahîya 6.8an de erdhej pêk hat.

Sazîya Lêgerînên Jeolojî ya Emrîkayê (USGS), mezinahîya erdhejê 7,1 daxuyand.

Ajansa xebera dewleta Çînê Xinhua, diyar kir ku di erdhejê de 53 kesan canê xwe ji dest dane, 62 kes jî birîndar bûne.

Wezareta Bireveberîya Rewşa Acîl a Çînê, ragihand ku ji bo însanên ku di bin kavilan de mane bêne lêgerînkirin 1500 personelên îtfaîyeyê û wezîfedarên xelaskirinê hatine sewqkirin.

Televîzyona Navenda Çînê (CCTV), diyar kir ku navenda erdhejê ji paytexta Tîbetê Lhasayê re nêzê 380 kîlometre, ji bajara mezin a duyemîn Xigazeyê re jî nêzê 23 kîlometre dûr e.

Piştî erdhejê di mezinahîya 4,4an de erdhejeke biçûk jî pêk hat. (ÎLKHA)