Li gor daxuyanîya Civata Wezîran a Lubnanê, Mîqatî li baregeha artêşê ya Marcîyûn a li ser sînorê Başûr axivî.

Mîqatî got, "Gelek kar li pêşîya me hene, ya herî girîng jî vekişîna hêzên îsraîlê ji hemû axên ku di êrîşa xwe ya dawîn de derbas kirine."

Serokwezîrê Lubnanê her wiha serdana baregeha Hêza Demkî ya Netewên Yekbûyî li Lubnanê (UNIFIL) li bajarokê Îbl el-Sakî li beşa rojhilat kir û tekezî li ser girîngîya cîbicîkirina biryara 1701 a Encûmena Asayîşa Navdewletî kir.

Mîqatî got, "Em li bendê ne ku artêş bi hevkarîya UNIFIL re erkên xwe pêk bîne da ku îstîqrara demdirêj li başûr bi cîh bîne."

Agirbesta ku di 27ê Mijdarê de bi navbeynkarîya Emrîka û Fransayê ket merîyetê, bi armanca bidawîkirina nakokîyên ku ev nêzî 14 meh in di navbera rejîma îşxalker û Hîzbullahê de berdewam dike, armanc dike.

Şert û mercên peymana agirbestê di nav 60 rojan de vekişîna ji axa Lubnanê, şandina artêşa Lubnanê li ser sînorê Lubnanê û başûrê Lubnanê, temînkirina ewlehîya van deveran û qedexekirina hebûna hemû cûre çek û çekdaran. (ÎLKHA)