Gelê Sûrîyeyê ku piştî 13 salan bi ketina rejima Beşar Esad çûn welatên xwe, ji nû ve dest bi jiyana xwe dikin.

Ji bi milyonan însanên ku bi tevî krîza însanî û bêkarîyê nikarin lazimatîyên xwe temîn bikin re di serî de ji Tirkîyeyê û bi giştî li çar alîyê dinyayê sazîyên alîkarîyê fealîyetên xwe yên alîkarîyê bikartînin.

Karwana Hêvîyê ku yek ji wan sazîyan e ev bû çend roj e li bajarên cuda yên Sûrîyeyê xebatên xwe bikartîne, bi belavkirina şîva germ vê carê jî li Hamayê rûyê malbatên mihtac kêfxweş kir.

Alîkarê Serokê Giştî yê Karwana Hêvîyê Erdal Elîbuyuk ku derheqê xebatên ku kirine de agahîyan da weha îfade kir, “Hama, di dema Hafiz Esed de dûçarê qetlîamên mezin bûye, bi dehhezaran însan canê xwe ji dest dane, ev der bajarekî ku gelên ji cîhê xwe bûne di nav de dijîn e. Zilma ku hatîye serê wan weka ku qîm nekirîye ku di 13 salên dawîn de vê carê dûçarê herba navxweyî bûne, ji ber vê yekê di bin pencikên tinebîyê de micadeleya jiyanê didin. Em jî îro bi tevî kolîyên zexîreyan nan jî belav dikin. Li çar alîyê Sûrîyeyê wek Hama, Humus, Heleb û Îdlîbê mirov di nav şert û mercên zor û zehmet de jiyana xwe derbas dikin. Ji ber vê yekê her bexşên ku ji Tirkîyeyê bêne kirin ji bo mirovên li vê derê ehemmîyeta jiyanî ye. Werin em bi tevî destekên we birînên xûşk û birayên xwe derman bikin.” (ÎLKHA)