Komên muxalifan îfade kirin ku, “Ji êrîşên Rûs û Sûrîyeyê ku hefteyên dawîn li Îdlîbê li dijî sîvîlan zêdetir bûne re bersivê dane”, li dijî rejima Sûrîyeyê êrîşên wan berdewam dike.

Komên muxalifan destnîşan kirin ku di êrîşên 27ê Mijdarê de hinek qesebeyên nêzê Helebê kirine bin kontrola xwe, heta nêzê Helebê jî çûne.

Muxalîfên ku êrîşî balafirgeha leşkerî ya Nayraba rojhilata Helebêye kirine, îddîa kirin ku li herêmê hinek gund û qesebeyan bidestxistine.

Hat îddîakirin ku di 28ê Mijdarê de rêya M5ê ku di navbera Şam û Helebê de ye ketîye bindestê muxalîfan, çarrêya M5 û M4an ku nêzê herêma Serakîp û qesebeya Zerbehê ye jî bidestxisine.

Çarrêya M5 û M4ê, Şamê pêşî girêdayê Lazkîyeyê, dûre jî girê Helebê dike.

Hêzên muxalîfan îddîa kirin ku ew tepik û herêmên ku ehemmîyeta wan a stratejîkî hene bidestxistine, ji navenda Helebê re jî çend kîlometre maye.

Muxalîfên ku piranîya Îdlîbê û hinek cîhên biçûk ên Heleb, Lazkîye û Hamayê kontrol dikin, rejimê sûcdar dikin ku rejima Sûrîyeyê ji 7ê Cotmeha 2023yan vir ve ji pevçûnan feyde digre û dixwaze ku cîhên di bin destê muxalîfan de ne bidestbixin. (ÎLKHA)