Ajansa Wafayê ragihand ku di encama bombebarana îşxalkeran a li ser maleke li kampa El-Mexazî ya li navenda Xezzeyê de 2 zarok şehîd bûne û gelek kes jî birîndar bûne.

Di encama bombebarana konê ku koçberên heman kampê tê de bûn, sivîlek şehîd bû û 3 kes jî birîndar bûn.

Her wiha di encama bombebarana îşxalê ya li ser maleke malbata Mensûr a li kampa El-Bureyc a li navenda Xezzeyê de, 4 welatiyên sivîl ku di nav wan de 2 zarokên 11 û 12 salî bûn şehîd bûn, dayik û du zarokên wê bi giranî birîndar bûn.

Her wiha ekîbên ambulans û rizgarkirinê cenazeyên 2 şehîdan li herêma El Saftavî ya li bakurê rojavayê bajarê Xezzeyê rakirin.

Artêşa îşxalker guleyên giran li Kolana Selaheddîn a dikeve herêma Maan a li rojhilatê Xan Yûnis a li başûrê Şerîda Xezzeyê barand.

Êrîşa ku li nêzî Dibistana El Akkad a li Xirbet El Adas a dikeve bakurê bajarê Refah a dikeve başûrê Xezzeyê hedef girt, gelek kes birîndar bûn.

Piştî nîvê şeva borî, êrişkarên siyonîst nexweşxaneya şehîd Kemal Edwan li bajarê Beyt Lahiyê li bakurê Xezzeyê hedef girtin û di encamê de navenda sereke ya oksîjenê bombebaran kirin û di encamê de gelek karmendên tenduristiyê birîndar bûn.

Artêşa dagirker îşxalker ji 7ê Cotmeha 2023an û vir ve êrîşên xwe yên bejahî, deryayî û hewayî yên li ser Xezzê didomîne û di encamê de 44 hezar û 176 kes ku piraniya wan jin û zarok in şehîd bûne û 104 hezar û 473 kes jî birîndar bûne. Bi hezaran qurbanî hê jî di bin xirbeyan û li ser rêyan de mane û ambulans û ekîbên rizgarkirinê nikarin xwe bigihînin. (ÎLKHA)