Karwana Hêvîyê ya Dîyarbekirê ku di serî de xwarin, zexîre ji mezluman re alîkarîya meddî jî dike, di nav alîkarîyên komeleyê de alîkarîyên wek qirtasîye, goştê qurbanê û cil û berg jî hene.

Hat îfadekirin komele her meh ji 600 malbatan re alîkarîyan dike.

Karwana Hêvîyê ku li Dîyarbekirê her meh ji mihtacan re alîkarîyê dike vê mehê jî ji 600 malbatên ku di nav lîsteyên wan hebûn re zexîreyan belav kir.

Serokê Dîyarbekirê yê Karwana Hêvîyê Abdulhakîm Demîr derheqê xebatan de agahîyan da û weha got: “Em wek Karwana Hêvîyê ya Dîyarbekirê her meh ji malbatên mihtac re alîkarîyan dikin û vê mehê jî me ji bo 600 malbatan re hazirîyên xwe kir, bi îzna Xwedê em ê ji wan re bighêjînin. Em van alîkarîyan bi destekên xêrxwazên xwe dikin. Em xeyn ji alîkarîyên zexîreyê alîkarîyên qirtasîye, cil û berg, qurban û yên dinê jî bikartînin.”

Demîr di dawîya axavtina xwe de ji xêrxwazan re teşekur kir û weha got, “Em ji ber bexşên wan ji xêrxwazên xwe re teşekur dikin. Em dixwazin ku bila van bexşan berdewam bikin. Bi îzna Xwedê em ê ji zêdetir malbatên mihtac re xwe bighêjînin.” (ÎLKHA)