Li Filistînê 11 hezar û 923 xwendekar hatin şehîdkirin
Wezareta Hînkirina Bilind û Perwerdehî ya Filistînê, daxuyand ku di encama êrîşên rejîma îşxalker ku ji 7ê Cotmeha 2023yan vir ve li Xezze û Şerîaya Rojavayê da destpêkirin de 11 hezar û 923 xwendekar şehîd bûn û 19 hezar û 199 xwendekar jî birîndar bûn.
Google News'te Doğruhaber'e abone olun. 
Di daxuyanîya ku ji teref wezaretê ve hat belavkirin de, hat îfadekirin ku li Xezzeyê hejmarê xwendekarên ku şehîd bûne derket 11 hezar û 808an, hejmarê birîndaran jî derketîye 18 hezar û 596an. Li Şerîaya Rojavayê jî 115 xwendekar şehîd bûne, 603 xwendekar jî birîndar bûne û 450 xwendekar jî hatine desteserkirin.
Hat îfadekirin ku di heman demê de li Xezze û Şerîaya Rojavayê 561 mamoste û personelên îdarî şehîd bûne, 3 hezar û 729 kes jî birîndar bûne û li Şerîaya Rojavayê jî 148 personel hatine desteserkirin.
Wezaret îfade kir ku li Şerîaya Rojavayê 341 dibistanên dewletê, avahîyên ku girêdayê zanîngeh û sazîyan in, 65 dibistanên aîdê UNRWAyê hatine bombekirin û xesarê dîtine; ji vana jî 138ê wan giran xesarê dîtine, 77ê wan jî bi temamî xera bûne.
Li Şerîaya Rojavayê jî 84 dibistan û 7 zanîngeh bi êrîş û zerardayînê re rûbirû mane.
Di daxuyanîya wezaretê de hat ragihandin ku li Xezzeyê 788 hezar xwendekar nikarin biçin dibistan û zanîngehên xwe. Piranîya xwendekaran travmayên psîkolojîkî dijîn û di bin şert û mercên zor ê tenduristîyê re rûbirû ne. (ÎLKHA)
Bu haberler de ilginizi çekebilir
-
Ji ber ku em dikevin 413emîn roja qirkirina ku ji teref siyonîstên îşxalker ve li Şerîda Xezzeyê tê kirin de, êrîşên esmanî û topan li herêmên curbecur berdewam dikin.
-
Îzzet El-Rîşkê Endamê Buroya Sîyasî yê HAMASê got, “Qerara Dadgeha Cezayê rêzgirtina ji bo nirxên edaletê û parastina mirovahiyê vedigere û her kesê ku li dijî vê yekê be, qirkirina li Xezzeyê înkar dike.”
