Di daxuyanîya ku ji teref Wezareta Tenduristîyê ya Xezzeyê ve hat dayîn de derbarê êrîşên qatilên sîyonîstên îşxalker ên 389 rojan de li ser Xezzeyê agahî hat dayîn.

Hat diyarkirin ku di 24 saetên dawîn da di "4 qetlîamên" ku qatilên sîyonîstên îşxalker li deverên curbecur ên Xezzeyê kirin de 41 kes şehîd bûn û 113 kes jî birîndar bûn.

Li gor daneyên Wezaretê di 2 hefteyên dawîn da di êrîşên ku ji teref sîyonîstên îşxalker ve hatin kirin de 777 Filistînî şehîd bûn û 2 hezar û 210 kes jî birîndar bûn.

Hat destnîşankirin ku di êrîşên îşxalkeran ên ji 7ê Cotmeha 2023yan vir ve li ser Xezzeyê hatin kirin de hejmara şehîdan derket 43 hezar û 61an û hejmara birîndaran jî derket 101 hezar û 223an.

Li vê daxûyaniyê her wiha dupat kir ku hîna jî cenaze di bin xirbeyan û li kêleka rê de mane, lê ekîbên tenduristiyê û rayedarên berevanîya sivîl ji ber astengiyên sîyonîstên îşxalker nikarin xwe bigihînin cenazeyan. (ÎLKHA)