Berdevkê Leşkerî yê tevgera Ensarullahê Yahya Serî, di axavtina xwe ya ku ji televîzyona “El Mewasî”yê re kir de, destnîşan kir ku ew ji 3 keştîyên ku “qedexeya ketina axên Filistîna îşxalkirî îxlal kirine” re operasyon li dar xistine.

Yahya Serî, di daxuyanîya xwe de weha got:

“Hêzên Çekdar ên Yemenê di çarçoveya berdewamîya dorpêça deryayî ya li dijî dijminê îsraîlê de 3 operasyonên leşkerî pêk anîn. Di operasyona ewil de keştiya 'SC MONTREAL' li başûrê Behra Ereban bi 2 balafirên keşfê yên bêmirov hat hedefgirtin û bi îzna Xwedê keştî hedef îsabet girtîye.

Di operasyona duyemîn de jî keştiya 'MAERSK KOWLOON' li Deryaya Erebî bi mûşekeke hat hedefgirtin û di encamê de rasterast îsabet girt.

Operasyona sêyemîn jî ji aliyê hêzên deryayî û hêzên mûşekî ve bi gelek mûşekên balîstîk li Deryaya Sor û herêma Bab ul-Mendeb keştîya bi navê MOTARO kirin armanc. Bi îzna Xwedê rasterast îsabet girt.

Sedema ku ev her sê keştî bûne hedef ji ber ku xwedîyên wan qedexeya ketina benderên Filistînê yên îşxalkirî îxlal kirine ye.

Hêzên Çekdar ên Yemenê di dema silavkirina serkeftinên Berxwedana Îslamî li Lubnanê û berxwedana Îslamî ya li Xezzeyê, biryardariya xwe ya ji bo domandina dorpêça deryayî li dijî dijminê îsraîlê û berdewamîya operasyonên êrişa bi mûşek û firokeyên bêmirov li dijî hemî îsraîlê nîşan didin. Heta ku êrîş neqedin, dorpêça li ser Xezzeyê neyê rakirin û êrîşên li ser Lubnanê neyên sekinandin ev operasyon bi dawî nabin." (ÎLKHA)