ÛNRWA: Li Lubnanê sivîl di bin tirs û fikaran de ne
Komîserê Giştî yê Ajansa Alîkarî û Xebatê ya Neteweyên Yekbûyî ya ji bo Koçberên Filistînî yên li Rojhilata Nêzîk (ÛNRWA) Philippe Lazzarînî ragihand ku sivîlên li Lubnanê di nava tirsê de dijîn û hewcedariya wan bi alîkariyê heye.
Google News'te Doğruhaber'e abone olun. 
Komîserê Giştî yê ÛNRWA Philippe Lazzarînî di daxuyaniya xwe de diyar kir ku gel di nava tirs û fikaran de ye û bi sed hezaran kes ku piraniya wan jin û zarok in ji bo peydakirina cihekî ewle neçar mane malên xwe biterikînin.
Lazzarînî diyar kir ku ekîbên ÛNRWAyê li saziyên ku koçberên Filistînî, Lubnanî û Sûriyeyî lê tên qebûlkirin, 24 saetan dixebitin û xizmetên piştgiriya derûnî didin zarokan û herwiha alîkariyên însanî didin koçberan.
Lazzarînî got, "Berfirehbûna şerê li Lubnanê me ji agirbesta ku ji bo sivîlên li herêmê pêwîst e, dûr dixe."
Di dema ku pêla koçberiyê ji herêmên başûrê welat ber bi paytext Beyrûtê û bakur ve didome de, hikûmeta Lubnanê ragihand ku zêdetirî 430 hezar ji koçberan ber bi Sûriyê ve koçber bûne. (ÎLKHA)
Bu haberler de ilginizi çekebilir
-
Di qirkirina ku ji 7ê Cotmehê vir ve ji teref siyonîstên îşxalker ve li Xezzeyê hat kirin de hejmara şehîdan derket 43 hezar û 922yan û hejmara birîndaran jî derket 103 hezar û 898an.
-
Di encama rûxandina avahîyeke ku ji ber erdheja Meletîyê zirareke mezin dît, di dema hilweşandina bi kontrol de kesek tevî makîneya kar a ku bi kar dianî di bin xirbeyan de ma.
