Ji aliyê Neteweyên Yekbûyî ve jî derbarê gotûbêja çekên nukleerî de daxuyaniyek hat dayîn, ku piştî Serokê Ukraynayê Volodîmîr Zelenskî got ku divê qedexeyên li ser bikaranîna çekên dûravêj ên ku ji aliyê welatên rojavayî ve tên hilberandin bên rakirin da ku Rûsya neçar bike ku aştiyê pêk bîne.

Berdevkê Sekreterê Giştî yê Neteweyên Yekbûyî Stephane Dujarrîc, diyar kir ku divê sozên welatan ên ji bo bêçekkirin û sînordarkirina bikaranîna çekên nukleerî zêde bibin û got, "Ez difikirim ku zêdebûna nîqaşên li ser çekên nukleerî bi fikar e."

Dujarric destnîşan kir ku ji bilî şerê Ukrayna-Rûsyayê jî gelek nîşan hene ku cîhan di qonaxeke metirsîdar re derbas dibe û divê sozên welatan li ser bêçekkirin û sînordarkirina bikaranîna çekên nukleerî zêde bibin.

Dujarrîc di dawî de wiha got, “Ez difikirim ku bikaranîna vî zimanê tehdîdkar metirsiya hesabkirina şaş zêde dike û di mesela çekên nukleerî de, hesabkirina xelet tiştek e ku em nikarin bidin ber çavan.” (ÎLKHA)