Ekîbên rizgarkirinê ji bo 20 kesên winda yên ku ji ber lehiyê li gundên Çiyayên Malhanê yên li rojavayê welêt hilkişiyan, lêgerîna xwe didomînin.

Rayedaran diyar kirin ku bi dehan malbat di bin şert û mercên dijwar de li dibistanan li herêma El-Habît hatine bicihkirin.

Rêvebirên Parastina Sivîl diyar kirin ku tîmên rizgarkirinê piştî operasiyoneke lêgerînê ya berfereh li dora şeş heta heşt kîlometran rêyên di geliyan de, di çend demjimêrên dawî de gihiştin termên du kesan.

Hat diyarkirin ku ji ber lehiyê zêdeyî 25 xanî bi temamî yan jî qismî hilweşiyane û tîmên rizgarkirinê jî li kesekî winda digerin.

Pêncşema borî Neteweyên Yekbûyî ragihandibû ku di lehiya ku di encama barîna barana zêde û herifîna sê bendavan li navçeya Malhan a parêzgeha El-Mehwît li rojavayê Yemenê rû daye, bi dehan kes mirine û birîndar bûne.

Li gel ku ji destpêka meha Tebaxê ve barîna baran, lehî û birûskên zêde li gelek parêzgehên Yemenê bûne sedema mirina 180 kesan û birîndarbûna bi sedan kes, her wiha bandor li zêdetirî çaryek milyon kesên kampên penaberan jî kiriye.

Di Tebaxê de, Neteweyên Yekbûyî hişyarî da ku 4.9 mîlyon dolar bi lezgînî hewce ye ku ji bo bersivdana acîl ya li hember bûyerên hewaya giran li Yemenê zêde bibe. (ÎLKHA)