UNRWA: Li Xezzeyê cîheke ewle tineye, însanên li wê derê li bêvîya mirinê ne
UNRWA, destnîşan kir li Xezzeya ku rejîma sîyonîst a îşxalker li wê derê qetlîaman dike cîheke ewle nemaye.
![UNRWA: Li Xezzeyê cîheke ewle tineye, însanên li wê derê li bêvîya mirinê ne](https://dogruhaber.com.tr/thumbor/koKCZaNi00S-zaZVJJ-jFk9psBM=/660x400/dogruhaber.com.tr/images/24/34/unrwa-li-xezzeye-ciheke-ewle-tineye-insanen-li-we-dere-li-beviya-mirine-ne-f00ceea8.jpg)
![](https://dogruhaber.com.tr/images/21/36/resim-cad374c1.png)
![](https://dogruhaber.com.tr/images/21/36/resim-939b4d02.png)
Wezîfedara Ragihadinê ya Paye Bilind a Xezzeyê ya UNRWAyê Louise Wateridge, li ser hîsaba xwe ya medyaya civakî daxuyanîyek parve kir û di daxuyanîya xwe de weha got, “Li Xezzeyê êdî cîheke ewle tineye; însanên li wê derê li bêvîya mirinê ne.”
Wateridge, bal kişand “cîhê ku îsraîl dibêje cîhê ewle ye bûne wek xeta cepheyê” û xelkê Xezzeyê jî “di nav orteya herbê de maye”
Rejîma îşxalker a sîyonîst ji 7ê Cotmeha 2023yan vir ve di êrîşên xwe yên li Xezzeyê de 16 hezar û 480 jê zarok, 10 hezar û 980 jê pîrek tev de herî kêm 40 hezar û 223 Fîlîstînîyan şehîd kir, 92 hezar û 981 kesan jî birîndar kir.
Tê destnîşankirin ku hêj bi hezaran însan di bin kavilan de ne, di êrîşan de nexweşxane, dibistan û binesazî têne hedefgirtin. (ÎLKHA)