Lijneya Êsîran: Êsîrên ku di Girtîgeha Oferê de têne girtin birçî têne hiştin
Lijneya Karên YênHatineazadkirin û Êsîran, diyar kir ku êsîrên Fîlîstînî yên ku di Girtîgeha Ofera rejîma îşxalker de dimînin bi şert û mercên zor û zehmet re rûbirû mane û birçîbûnîyeke rastî dikşînin.
![Lijneya Êsîran: Êsîrên ku di Girtîgeha Oferê de têne girtin birçî têne hiştin](https://dogruhaber.com.tr/thumbor/u-uaAeUZIl1mQtfBwKzYrW-KG6w=/660x400/dogruhaber.com.tr/images/24/30/lijneya-esiran-esiren-ku-di-girtigeha-ofere-de-tene-girtin-birci-tene-histin-854c5ce2.jpg)
![](https://dogruhaber.com.tr/images/21/36/resim-cad374c1.png)
![](https://dogruhaber.com.tr/images/21/36/resim-939b4d02.png)
Lijne di daxuyanîya ku îro belav kir de destnîşan kir ku parêzêr dikarin hinek êsîran zîyaret bikin û ew jî êsîran gohdar kirin.
Hat daxuyandin ku ji wîlayeta Beytlahîymê Parêzêr Yezin Xanim û Suheyb Hamamire, ji wîlayeta Ramallah û El-Bîreyê Prêzêr Enes Ubeyde û Muhenned Haccici û ji wîlayeta Cenînê jî Parêzêr Abdulcebbar Cerrar dikaribin êsîran zîyaret bikin.
Êsîran ji parêzêran re gotin ku şîva ku ji wan re têne dayîn gelek hindik û xerab e, ev rewş jî dibe sedema ziîfbûna wan ku êdî hestîyên wan jî têne xuyakirin. Êsîran ragihandin ku ew ji nexweşînan re ziîf mane û derman jî bi rehetî nikarin bidestbixin.
Di daxuyanîyê de hat destnîşankirin ku amûrên paqijîya êsîran, cil û berg û lazimatîyên dinê gelek kêm in.
Di daxuyanîya lijneyê de weha hat îfadekirin, “Hemû girtîyên di girtîgehê de ne di dema qefaltinên xwe û desteserkirinên xwe de dema ku ji girtîgehan re hatine sewqkirin ji teref hêzên îşxalkeran ve hatine derbkirin û muameleyên xera dîtine. Di heman demê de li girtîgehê jî li wan kutan tê dayîn û ji nişkav ve xwe davêjên qoxişên wan.” (ÎLKHA)