Li bajarekî Xezzeyê piştî ku sotemenî qediya xebatên bîrên avê sekinîn
Hat ragihandin ku li bajarê Dêr El Balah ê li navenda Şerîda Xezzeyê, ji ber xelasibûyîna sotemeniyê xebatên hemû bîr û depoyên avê hatin sekinandin.
![Li bajarekî Xezzeyê piştî ku sotemenî qediya xebatên bîrên avê sekinîn](https://dogruhaber.com.tr/thumbor/76RDRdzCds6gE1XES9f4TcGXrzo=/660x400/dogruhaber.com.tr/images/24/29/li-bajareki-xezzeye-pisti-ku-sotemeni-qediya-xebaten-biren-ave-sekinin-7c9986b4.jpg)
![](https://dogruhaber.com.tr/images/21/36/resim-cad374c1.png)
![](https://dogruhaber.com.tr/images/21/36/resim-939b4d02.png)
Berpirsên Şaredariya Dêr El-Belahê di daxuyaniya xwe de tekez kirin ku nedana sotemeniya pêwîst ji bo karên şaredariyê tawaneke şer û cezakirina komî ye ji bo hemû xelkê Xezzeyê.
Şaredariyê diyar kir ku ji ber nebûna sotemeniyê pergala avê ya bajêr ji xizmetê derketiye û 2 tankên avê û 19 bîr nikarin xizmetê bidin, lewma jiyana bi hezaran kesî ketiye bin rîskê.
Şaredariyê bal kişand ser wê yekê ku 700 hezar niştecih û kesên ji cîh bûne ji ber qutbûna avê di bin rîskên tenduristî û mirovahî de ne, şaredariyê ragihand ku li kolan û navendên sitargehê girseyên çopê kom bûne û gelek kanalîzasyon li ser rêyan kom bûne. (ÎLKHA)