Ji 7ê Cotmehê vir ve rejîma îşxalker li dijî Xezzeyê qetlîam û qirkirinên xwe didomîne.

Di encama qetlîam û qirkirinê de heta niha ji 40 hezarî zêdetir însan hatine qetilkirin û bi dehhezarên wan jî hatine birîndarkirin.

Wehşeta sîyonîstan ji teref dinyayê ve bi bertekeke mezin ve hat pêşwazîkirin û ji komên berxwedanê re jî destek têne dayîn.

Di vê çarçoveyê de ji teref Sazîyên Civaka Sîvîl a Îslamî yê Êlihê ve bernameyeke meşê hat lidarxistin.

Ji bernameyê re Serokê Bajarê Êlihê yê HUDA PARê Davut Şahîn jî beşdarî bû û meş bi şîara “Ji îşxalê re dawî ji Fîlîstînê re azadî” dest pê kir.

Bername li ser Parqa Atatirk dest pê kir û bi tevî alên Tewhîdê heta ber Abîdeya Mafên Însanan a li Ceddeya Gulîstanê ye berdewam kir.

Di bernameyê de daxuyanîya çapemenîyê nehat xwendin û xwepêşandêran li vê derê 5 deqîqe bi bêdengî sekinîn.

Bername bi duaya ku ji teref endamê ÎTTÎHADUL ULEMA Mele Alî Altun ve hat xwendin dawî bû.

Piştî bernameyê welatî di nav bêdengîyê de belav bûn. (ÎLKHA)