Li herêma Daxistana Rûsyayê êrîşa çekdarî: 7 jê polês 9 mirî
Li herêmên Derbend û Maxaçkaleya Daxistanê bi çekan êrîş hat lidarxistin, di encama wê êrîşê de 7 jê polês 9 kesan canê xwe ji dest dan, 25 kes jî birîndar bûn.
![Li herêma Daxistana Rûsyayê êrîşa çekdarî: 7 jê polês 9 mirî](https://dogruhaber.com.tr/thumbor/gGRZB_xizKYEp19CDdZXl09GxZ0=/660x400/dogruhaber.com.tr/images/24/26/li-herema-daxistana-rusyaye-erisa-cekdari-7-je-poles-9-miri-ba84fbd6.jpg)
![](https://dogruhaber.com.tr/images/21/36/resim-cad374c1.png)
![](https://dogruhaber.com.tr/images/21/36/resim-939b4d02.png)
Ji teref mirovên ku nasnameyên wan nayê zanîn ve li Derbend û Maxaçkaleyê bi çekan êrîş li du Dêr, Sînegog û qereqoleke polêsan hat lidarxistin.
Li gorî çapemenîya Rûsyayê bi tevî çend sîvîlan 7 polês mirin, 4 êrîşdar jî hatin kuştin.
Hat diyarkirin ji bona ku êrîşdarên dinê bêne qefaltin xebat didomin.
Serokê Komîsyona Nerîna Raya Giştî ya Daxistanê Şamil Khadulaev, got ku li Derbendê rahîbek û li Maxaçkaleyê jî wezîfedarekî Dêrê hatîye kuştin.
Hat îfadekirin ku di êrîşê de di dêr û sînegogê de şewt derketîye.
Hat destnîşankirin di êrîşê de 7 polês mirine, 12 polês jî birîndar bûne.
Li Daxistanê rewşa rejima bi terorê re micadele hat îlankirin û ji bona ku nasnameya êrîşdaran bê diyarkirin xebat hatîye destpêkirin. (ÎLKHA)