Li gor parvekirinên ku li ser hesabê medyaya civakî ya Nûnertiya Hewlêrê ya HUDA PARê hatin kirin, Yapicioglu ji Serokê Rêveberiya Herêma Kurdistanê Nêçîrvan Barzanî, Serokwezîrê Herêma Kurdistanê Mesrûr Barzanî û Serokê Partiya Demokrata Kurdistanê Mesûd Barzanî re cejna Qurbanê pîroz kir.

Yapicioglu her wiha peyama pîrozbahiyê ji Serokê Partiya Komaleya Dadgerî ya Herêma Kurdistanê Elî Bapîr, Serokê Tevgera Îslamî ya Kurdistanê Mamoste Îrfan Elî Ebdulezîz û Serokê Tevgera Îslamî ya Kurdistanê (Bizutnewe) ya Peywendî Kamil Hacî Elî re şand.

Hat diyarkirin ku ji Serokê Koalîsyona Neteweyî Aram Qadir, Serokê Giştî yê Partiya Yekitiya Îslamî ya Herêma Kurdistanê (Yekgirtu) Selahaddîn Muhammed Bahaeddîn, Wezîrê Dewletê yê Berpirsiyarê pêkhateyên etnîkî û dînî Aydin Maruf Selîm û Serokê Giştî yê Partiya Îradeya Neteweyî ya Tirkmen Mahmut Çelebî re jî peyama pîrozbahiyê hat dayîn. (ÎLKHA)