Li gor daxuyaniya nivîskî ya ku ji teref Wezaretê ve hat dayîn wê di Eyda Qurbanê de 19 hezar û 593 personelên tenduristiyê yên lezgîn, 3 hezar û 457 ambûlans, helîkopter û Tîmên Rizgarkirina Tenduristiya Neteweyî (UMKE) li ser kar bin.

Ji bo ku di cejnê de xizmetên tenduristiyê yên lezgîn bênavber berdewam bikin li seranserê welêt rêzek tedbîr hatin girtin.

Li gorî tedbîrên ku hatine girtin, di çarçoveya tedbîrên ku wê ji îro pê ve derbas bibin, her roj 3 hezar û 457 ambûlans û 19 hezar û 593 personelên xizmeta tenduristiyê yên lezgîn wê li ser kar bin. Her wiha 175 wesayîtên UMKE û 875 personelên UMKE wê di vê pêvajoyê de bi awayekî aktîf xizmetê bikin.

Tîmên bersivdayîna lezgîn li 3 bajarên mezin

Di qezayên trafîkê yên ku li bajarên mezin ên wekî Stenbol, Enqere û Îzmîrê de çêdibin, ekîbên din hatin avakirin.

Dîsa di çarçoveya tedbîran de hat diyarkirin ku personelên tenduristiyê, ambûlansa helîkopterê, ambûlansa lezgîn, wesayîta UMKE û wesayita UMKE ATAKê wê li Otobana Bakurê Marmara-Tuzla Akfiratê ya li aliyê Anadoluyê ya Stenbolê be.

Helîkopterên ambûlans hatin bicihkirin

Li navçeyên Çeşme, Urla, Karaburun, Seferîhîsar û Guzelbahçe yên Îzmîrê û li otoban û rêyên ku diçin van herêman wê helîkopter, wesayîta UMKE, ambûlansa lezgîn û motorsîkletê ambulansa nobetê bigirin.

Rayedaran diyar kirin ku ji bo ku gel di Cejna Qurbanê de bi lez û bez xwe bigihîne xizmetên tenduristiyê hemû tedbîr hatine girtin û welatî dikarin di rewşa awarte de telefonê 112 bikin. (ÎLKHA)