Qirkirina îşxalkeran a li Xezzeyê di roja 248an de ye
Em dikevin roja 248emîn a qirkirina îşxalkerîyê ya li ser Xezzeyê didomin, di êrîşên îro de gelek kes şehîd û birîndar bûn.
![Qirkirina îşxalkeran a li Xezzeyê di roja 248an de ye](https://dogruhaber.com.tr/thumbor/4vr3f7OPAkQerUyH0G88tLfL3Ug=/660x400/dogruhaber.com.tr/images/24/24/qirkirina-isxalkeran-a-li-xezzeye-di-roja-248an-de-ye-b3c37050.jpg)
![](https://dogruhaber.com.tr/images/21/36/resim-cad374c1.png)
![](https://dogruhaber.com.tr/images/21/36/resim-939b4d02.png)
Çavkaniyên tenduristiyê ragihandin ku di encama topbarana îşxalkeran a li ser herêmên Ureybe, Xîrbet El-Adas û Haşhaş ên li bakurê bajarê Refahê de gelek kes şehîd bûne û gelek kes jî birîndar bûne.
Di encama bombebarana balafirên îşxalkeran de li ser maleke li Taxa Şucaiye ya li rojhilatê Xezzeyê, 2 kes şehîd bûn û gelek kes jî birîndar bûn.
Hate diyarkirin ku piştî vekişîna hêzên îşxalker li rojhilatê Dêra Belayê herî kêm cenazeyên 2 şehîdan hatin dîtin.
Di encama gulebarana siyonîstên îşxalker de li ser çadirên awareyên Mewasîya Refahê gelek kes birîndar bûn û hatin rakirin nexweşxaneya Nasir a Xan Yûnisê.
Her wiha hat diyarkirin ku balafirên siyonîst hevdem digel topbarana li rojhilatê vî bajarî êrişên hewayî ser bajarê Deyr el-Belah û herêma Ebû el-Acen li navenda Xezzeyê kirin.
Balafirên siyonîst bi dehan top avêtin peravên bajarê Xezzeyê, her wiha malên Filistîniyan a li taxa Tel El-Hawa li başûrrojavayê û taxa Zeytûnê li başûra rojhilata dan ber topan. (ÎLKHA)