Şêwirmendê Ragihandina Ewlekariya Neteweyî ya Qesra Spî John Kirby di balafirê de li ser rêya New Yorkê bi Serokê Amerîkayê Biden re bersiv da pirsên rojnamevanan.

Kirby ji pirsa "Li bendê ye ku Serokkomar Erdogan di nav du hefteyan de serdana Qesra Spî bike. Erdogan roja şemiya borî mazûvaniya Serokê HAMASê kir. Gelo ev wê bibe mijara gotûbêjan? An wê serdanê siya xwe bigire?"  re got, "Tiştekî di derbarê serdana Serokkomar Erdogan de tune ye. Ji ber vê yekê di vê mijarê de tu şîroveya min tune."

Kirby diyar kir ku ew ê "Emê axaftina li ser hevdîtinên xwe ji Erdogan re bihêlin" û wiha got, "Me helwesta xwe ya li hemberî HAMAS'ê, kî ne û nûnertiya wan dike gelekî zelal e. Ez vê mijarê li vir dihêlim."

Hat diyarkirin ku piştî hevdîtina Serokkomar Erdogan a bi Serokê HAMASê Îsmaîl Heniyye re, lobiya Rejîma Siyonîst ji ber ku wê di hilbijartinan de wêneyê Erdogan-Bîden li dijî wan be, hewl da ku rê li ber ziyareta Amerîkayê ya ku tê plankirin di 9ê gulanê da bê kirin, bigre.

Her wiha dihat îddîakirin ku lobiya rejîma sîyonîst heta kêliya dawî ji bo betalkirina vê hevdîtinê bi hemû hêza xwe wê bike. (ÎLKHA)