Li ber baregeha leşkerî ya Fransayê alîgirên derbeya li Nîjerê xwepêşandan kirin

Alîgirên derbeyê li ber baregeha leşkerî ya Fransayê ya li Nîameyê kom bûn, ji Fransayê xwestin ku welatê xwe terk bike.

Xwepêşanderan diyar kirin ku ew ê nehêlin gelê Nîjerê "çavkaniyên xwe yên xwezayî talan bike".

Li gorî agahiyan, artêş û polîsên Nîjerê, li dora balyozxaneya Fransa hebûna xwe zêde kirine.

Di dawiya Tîrmehê de, komeke leşkerî ya ji Pasewanên Serokatiyê yên Nîjerê serhildan kir û ji kar dûrxistina Serok Mihemed Bazûm ragihand. Puşîstan paşê di bin serokatiya Abdurakhman Tchiani de Encûmena Niştimanî ya Rizgariya Welat ava kirin. Rêberên welatên endamên Civata Aborî ya Dewletên Rojavayê Afrîkayê (ECOWAS) toleyên tund li ser serhildêran sepandin û daxwaza berdana Bazum kirin û hişyariya bikaranîna hêzê dan. (ÎLKHA)