Li Rûsyayê di mezinahîya 6,1an de erdhej

Li gorî daneyên Serwîsa Jeofîzîkê ya Akademiya Zanistî ya Rûsyayê, erdhejek bi navenda wê 170 kîlometre dûrî nîvgirava Kamçatkayê pêk hat.

Erdheja ku mezinahiya wê 6,1 e, 65 kîlometre di kûrahiya ‘erdê de pêk hat.

Piştî erdhejê heta niha ti ziyanên canî û madî nehatine ragihandin.

Di 4ê Mijdara 1952an de li Kamçatkayê erdhejeke bi lerza 9an pêk hatibû. Di vê erdhejê de ku ji sala 1900an vir ve di nav erdhejên herî mezin de hatine tomarkirin, ti ziyanên canî çênebûbû, lê pêlên 9 metre bilind ên ku di encama erdhejê de çêbûne, gihîştine Hawaîîyê. (ÎLKHA)