Serokê Giştî yê HUDA PARê Yapicioglu mexdûrên erdheja Erkenek û Kurucaovaya navçeya Doganşehîra Meletiyê ziyaret kir, pirsgirêk û problemên wan gohdarî kir û derdê wan parve kir.
Yapicioglu ji bo kesên ku di erdhejê de eqrebeyên xwe winda kirin re sersaxî da û sebir xwest.
Yapiciogluyê ku li Nexweşxaneya Lêkolîn û Perwerdehiyê ya Meletiyê birîndarên erdhejê ziyaret kir ji birîndarên erdhejê re jî şîfa xêrê xwest.
Serokê Giştî yê HUDA PARê Yapicioglu çû konên mexdûrên ku di erdhejê de malên wan xera bûbûn û ji wan re sebir xwest.
Serokê Giştî yê HUDA PARê Yapicioglu, dû re ji çapemenîyê re daxuyanîyên muhîm da.
“Heta ku birînên erdhejê bi temamî bên dermankirin ew ê xebatên me bidomin”
Yapicioglu diyar kir ku pirsgirêk û arîşeyên di roja ‘ewil a erdhejê da hebûn sivik bûne û weha got, "Em li hinek gundên xwe geriyan. Me welatiyên xwe yên li nexweşxaneyan ku di erdhejê da birîndar bûbûn ziyaret kir. Me li bajarên konan li welatiyan gohdarî kir. Ji bo pirsgirêk û derdên wan, me destnîşan kir, ez hêvî dikim ku ev yek ji birînên wan re bibe melhemek da ku rayedarên peywendîdar agahdar bikin û em heta birînan derman bikin û ji pirsgirêkên wan re çareserî bê dîtin xebatên xwe ew ê bidomînin. Pirsgirêk û arîşeyên di roja ‘ewil a erdhejê da hebûn li gorî roja ‘ewil sivik bûne an jî ji holê rabûne.
Yapicioglu pirsgirêkên mexdûrên erdheja Meletiyê bi raya giştî re parve kir.
Yapicioglu, diyar kir ku ji bo vegere rewşa asayî wê dem lazim e û weha got, "Dibe ku di destpêkê de daxwazên welatiyan ji bo stargeh û xwarinê hebin, dixuye ku pirsgirêkên bi stargeh û xwarinê heta radeyek mezin hatine çareserkirin. Hîn jî kêmasî hene. Li hinek cihan kon, gazincên welatiyên ku me li herêmên din tesbît kirine ji bo hemam û tuwaletê, li vir bi qismî jî berdewam dike, lê bi giranî li vir hatiye çareserkirin. Li ber Navenda Çandê bajarê kon hatiye vedan. yanê li vir konên AFAD'ê hatine vedan, hinek pirsgirêkên ku welatiyan anîn ziman ku ji wir derketine hene. Welatiyên li hin taxên gundan ji bilî kêmbûna konan ji bo sewalên xwe jî bi taybetî li gundan dixwazin ku wêraniyeke mezin dîtiye, bi hêviya ku em van hemû pirsgirêk, gilî û daxwazên ku me destnîşan kirine çareser bikin. Bi qasî ku ji destê me tê, em ê pirsgirêkên ku em bi xwe çareser bikin çareser bikin, lê pirsgirêkên ku bi îmkanên dewletê yan jî îmkanên raya giştî bên kirin jî em ê van pirsgirêkan ji rayedaran re bibêjin.”
Yapicioglu di berdewama axavtina xwe de weha got, "Em ê tenê wek milet birînên vê erdheja ku bû sedema mirina deh hezaran û bû sedema hilweşandina bi deh hezaran avahî an jî dewleteke ku divê bê hilweşandin, derman bikin."
Zîyareta Navenda Koordînasyona Afatê
Serokê Giştî yê HUDA PARê Yapicioglu piştî daxuyaniya xwe ya çapemeniyê Navenda Koordînasyona Afetê ya Meletiyê ya Şaredariya Bajarê Mezin a Meletiyê ziyaret kir.
Yapicioglu bi Serokê Şaredarîya Bajarê Mezin yê Meletîyê Selahattîn Gurkan û Şaredarê Bajarê Mezin ê Sakaryayê Ekrem Yûce re hevdîtinek pêk anî. Di civîna ku ji çapemeniyê re girtî hat kirin de xebatên erdhejê hatin nîqaşkirin.
Yapicioglu bi Şaredarê Bajarê Mezin ê Meletiyê Gurkanê re piştî hevdîtinê ji çapemenîyê re daxuyanîyê da.
"Miletê me îmtîhanek bi serketî derbas kir, hewla ku ji destê wê tê hatîye kirîn"
Yapiciogluyê ku got, "Felaketeke mezin bû ku bi tenê îmkanên hikumetê an jî bi tenê îmkanên rayedarên mehellî bê çareserkirin nebû.”
“Ji Civaka sivîl re jî wezîfeyên mezin par dikeve. Hemd ji Xwedê re be ku ji biçûkan heta mezinan, ji civakaî sîvîl heta şexsan, şîrketan, xêrxwazan bi hev re bi milletî ji boan ku ev felaket bidawî bibe, van enqazan bi lez û bez bê rakirin û jîyan jî vegere normalê, lazimatîya ku mirovên tesîrdar bûne bên dîtin ez bawer dikim ku xelqê me îmtîhaneke serfirazî daye, hewla ku ji destê wê hatîye daye. Dibe ku hinek ekîbên lêgerîn û xelaskirinê canê xwe avêtibin talûkeyê di wan enqazan de xebitîbin û ketibin taya canê mirovên dinê. Tewra personelên tenduristiyê jî hewl dan ku bêyî bêhna xwe bixebitin, belkî bi qurbaniyên pir giran. Barek giran ketiye ser milê şaredariyên bajarên me ku hemû binesaziya wan an jî avahiya wan hatiye rûxandin. Barê hikûmeta navendî jî zêde bûye.”
“Îro roja dirêjkirina destên hevdû, destê hevaltiyê, destê biratiyê ye”
Yapicioglu bal kişand ser girîngiya hevgirtin û tevgerîna bi hev re û got, "Îro divê hemû ferq û cudahiyên vê yan wê nêrîna siyasî, ev yan wê partiyeke siyasî ji holê rabin. Îro roja dermankirina birînên bi hev re ye, îro roja dirêjkirina destê alîkariyê, destên hevdû, destê dostanî û biratiyê ye. Bi vê wateyê em li hemû herêmên erdhejê geriyan da ku li vê herêma erdhejê çi ji destê me bê, em ji bona ku xwe bighêjînion qîrîna xuşk û biaryên xwe li herêmên erdhejê dixebitin.”
"Em hewl didin ku di zûtirîn dem de birînên xwe baş bikin"
Yapicioglu destnîşan kir ku wek HUDA PAR ji kêliyên ‘ewil ên erdhejê ji bo birîna birînên xwe bipêçin hewil didin û weha got, "Me bi cîgirên serokên xwe ra 12 ekîbên cuda ava kirin. Ji ber ku hinek bajarên me zirareke pir mezin dîtine em seferê dikin. Em wek tîmên cuda diçin navend û navçeyên wê yên bajaran û em hewl didin wan birînên xwe bipêçin, eger tiştek hebe yan jî divê em bikin, em hewl didin ku bikin. ji aliyê şaredarî yan jî hikûmeta navendî yan jî navendên koordînasyona AFADê ve, wan ji kesên pêwendîdar re ragihînin û hewl bidin bi vî awayî tevkariyê bikin da ku di zûtirîn dem de ew birîn bên dermankirin. Îro serdana me ya Meletiyê di vê çarçoveyê de pêk hat. Em li çend cihan rawestiyan, birîndarên xwe ziyaret kirin, çûn hinek gundan, li bajarên konên xwe geriyan. Li ser daxwazên welatiyan û giliyên wan me serokê xwe yê rêzdar agahdar kiriye. Hêvîdar im, em piştrast in ku ji bo ji holê rakirina wan di zûtirîn dem de, dê hemî hewldan bêne kirin. Hêvîdarim ew kêmasî di zûtirîn dem de bên çareserkirin."
Serokê Şaredarê Bajarê Mezin ê Meletiyê Gûrkan, xebat û hewldana ku li dijî zirar û ziyanên ku li bajêr qewimîn bi raya giştî re parve kir.
Piştî daxuyaniya çapemeniyê Yapicioglu karwanê ku Midûriyeta Ragihandinê ji çapemeniyê re veqetand ziyaret kir û li wir bi rojnamegeran re sohbet kir. (ÎLKHA)
Güncel
Dünya
Bilim & Teknoloji
Güncel
Güncel
Güncel
Güncel
Dünya
Dünya
Güncel
