Di 6ê Sibatê di seet 04.17an de di erdheja ku navend Bazarcixa Mereşê bû de li Dîyarbekirê 7 avahî hilweşîyan, 407 kes canê xwe ji dest dan û 902 kes birîndar bûn.
Li Navçeya Navendî Yenîşehîrê 2, li Navçeya Rezan 5 avahî li temamê Bajarê Dîyarberkirê 7 avahî hilweşîyan. Ji teref Wezareta Jîngeh, Bajarvanî û Guhertina Avhewayê ve di 24 hezar û 314 avahî û 262 hezar û 702 yekîneyên serbixwe de xebatên tesbîtkirina zirarê hatin kirin.
Di lêkolînên ku hatin kirin de hat tespîtkirin ku di 520 avahiyan de 6 hezar û 69 yekîneyên serbixwe zirareke mezin dîtine û hilweşîyane, 611 avahiyan de 9 hezar û 199 yekîneyên serbixwe jî zirar dîtine, Di 5 hezar û 367 avahiyan de 76 hezar û 498 yekîneyên serbixwe sivik zirar dîtine. Ji 15 hezar û 471 avahiyan 159 hezar û 827 yekîneyên serbixwe jî xisar nedîtine.
Li bajar bi taybetî li navçeya Rezan cehde û kolanên ku avahîyên zirareke mezin dîtine û rîska hilweşînê hebe di çarçoveya tevdîrê ewlehîyê ji teref polêsan ji çûn û hatina peyayan û makînan hatine girtin.
Avahîyên ku di nav wan de mizgeft jî hene ji ber ku zirarek mezin dîtine derî yê wan hatine mohr kirin û ketina hindirê wan hatiye qedexe kirin. (ÎLKHA)
Dünya
Güncel
Dünya
Güncel
Güncel
Dünya
Dünya
Dünya
Güncel
Güncel
