Sazîyên alîkarî û xêrê li Efxanistanê ji 45 hezar malbatên feqîr re goştê qurbanê belav kirin

Li Efxanistanê ji bo ji malbatên feqîr re alîkarîya goştê qurbanê bê kirin li 24 bajaran ji teref IHO EBRAR, Avrupa Yetim Eli, Karwana Hêvîyê û Weqfa Yetîman ve organîzasyona serjêkirina qurbanan hat kirin. Di bergeha organîzasyona ku hat kirin de 217 dewar û 13 pez hatin serjêkirin ku ev goştê ku 18 ton û 300 kîlo bû ji 45 hezar malbatan re hat belavkirin.

Fîkrî Karavîlê Serokê Giştî yê Weqfa Yetîman û her wisa koordînatortîya IHO EBRAR, Avrupa Yetim Eli, Karwana Hêvîyê dike derbarê xebat û alîkarîyên ku tên kirin de destnîşan kir, li her dera Efxanistanê feqîrî û perîşanî hakim e.

Karavîl di berdewama axavtina xwe de destnîşan kir ew ji bo serjêkirina qurbanan li 24 xalên Efxanistanê ji xwe re cî diyar kirine û dû re wisa li axavtina xwe zêde kir: “ Me bi tevahî li 24 bajaran 217 dewar û 13 pez da serjêkirin ku ev goştê ku 18 ton û 300 kîlo bû ji 45 hezar malbatan re belav kir.Xweda xêra temamê kesên xêrxwaz qebûl bike.”(ÎLKHA)