Serokê Giştî yê HUDA PARê Yapicioglu: Em ê ‘îdên ku ji şî’arên Îslamê ne zindî bihêlin

Serokê Giştî yê HUDA PARê Zekeriya Yapicioglu li bajarê xwe Êlihê Cejna Qurbanê pêşwazî kir. Yapicioglu hat Mizgefta Şevket Başak a li Taxa Gapê û nimêja eydê kir. Yapiciogluyê ku li xutbeya îdê guhdarî kir paşê bi gel re pîrozbahî kir.

Yapicioglu piştî nimêja eydê daxuyanî da rojnamevanan û Cejna Qurbanê li temamê alema Îslamê pîroz kir.

Yapiciogluyê ku ji Xweda re ji ber ku ew gihandin Eyda Qurbanê  hemd û sena kir û wiha got: “Cejn şahî ye, eyd bextewarî ye, eyd hevgirtin e, eyd biratî ye, eyd parvekirin e, nêzîkbûn e, fedekarî û îbadet e û fedakirin e. Em Cejneke din a Qurbanê îdrak dikin. Hemd ji Rebbê min re be. Her çiqas li deverên cuda yên erdnîgariya ummetê êş û elem hebin jî, eyd ji me re diyariya Rebbê me ye. Me ev diyarî bi kêfxweşî qebûl kir. Ez hêvî dikim ku em ê kêfxweş bibin."

“Eyd yek ji şî’arên Îslamê ye”

Yapicioglu, diyar kir ku ew ê cejna ku di nav şîarên Îslamê de şîarek e, tevî êşên ku li erdnîgariya Îslamê tên jiyîn zindî bihêlin û wiha got: “Cejn yek ji şîarên Îslamê ye, em ê vê şîarê zindî bihêlin. Tevî êşên ku li her devera erdnîgariya ummetê tê jiyandin jî cejn tê pîrozkirin. Eyd her wisa Erefet e, Hec jî Erefet e, Erefat jî hevnaskirin û yekbûn e.Erefat di nav kesretê de wehdet e. Dema ku her kes di nav wê girseyê de wehdetê dijî, di heman demê de ji bo  dayîna hesabê ya ferdî û provaya mehşerê dijî.”

"Rebbê min wehdetê bide ummeta Îslamê"

Yapicioglu di dawiya axavtina xwe de bal kişand li ser yekîtî û hevgirtina ummetê û wiha got: “Rebbê min wehdetê bide ummeta Îslamê. Ez hêvî dikim ku ew di warê belawelabûna me de, parçe parçe bûna me de ji me re bibe alîkar û rê nîşanî me bide da ku ev ji vî halî xelas bibin. Xweda bike nesîbê me ku em wê telbîyeya ku hecac tînin ziman baş fam bikin û maneya wê di heyata xwe de tetbîq bikin. Eger ummeta Îslamê vê yekê fêm bike û hikmê xwe û xwe bi temamî teslîmî Xweda bike; ew ê ji vê rewşa ku îro tê de ye xelas bibe. Cejna her kesî pîroz be."

Yapicioglu daxuyanîyê ji bo ziyareta qebristanê ji camîyê derket.(ÎLKHA)